قوعامدا NEET ساناتىنداعى جانە جۇمىسسىز جاستاردىڭ الەۋمەتتەنۋى بويىنشا جۇمىستار جالعاسىن تاۋىپ كەلەدى, دەپ جازادى Egemen.kz.
«Qazaqstan jastary» قوعامدىق قورىنىڭ ۇيىمداستىرۋىمەن «Adem» ساۋدا ورتالىعىندا جاستارعا الەۋمەتتىك-پسيحولوگيالىق, ەڭبەك شارتى, مەديتسينا, قۇقىقتىق جانە پەداگوگيكالىق وفلاين-ونلاين تۇردە كەڭەستەر بەرىلدى. قازىرگى كەزدە 200-دەي جاس ارنايى دايىندالعان ورتالىقتا تاجىريبەدەن ءوتىپ, كاسىبي ماماندار كەڭەسىن السا, 500-دەن استام جەكەلەگەن اڭگىمەلەر وتكىزىلدى.
جوبا اياسىندا فرونت-وفيستە كاسىبي ماماندار ءاربىر جاس ادامدى تولعاندىرعان سۇراقتارعا جاۋاپ بەرىپ, ارنايى ساۋالناما جۇرگىزىپ, قانداي دا ءبىر ماسەلەنىڭ شەشىمىن تابۋعا ىقپال ەتتى. وسى ورايدا NEET ساناتىنداعى جاستاردىڭ سانى 3000 ادامدى قۇراپ وتىر. بۇل ماسەلەگە كەڭىنەن نازار اۋدارۋ ماقساتىندا ەرىكتىلەر مەن رەسۋرستى ورتالىقتاردىڭ ماماندارى تارتىلدى. سونىمەن بىرگە ورتالىقتىڭ جۇمىسى تۋرالى الەۋمەتتىك جەلىلەردە اقپارات تارادى.
جوبا اياسىندا الماتىعا كەلىپ, كەتىپ جۇمىس ىستەيتىن جاستار ءۇشىن ارنايى بايقاۋ ۇيىمداستىرىلدى. ءۇش كەزەڭنەن تۇراتىن بايقاۋدىڭ قورىتىندىسى بويىنشا «ۇزدىك شاشتاراز», «ۇزدىك كولىك مەحانيگى», «ۇزدىك اسپاز», «ۇزدىك ەلەكتريك», «ۇزدىك دوڭگەلەك جاساۋشى» سياقتى كاسىبي تەحنيكالىق ماماندىقتاردىڭ جەڭىمپازدارى انىقتالدى.
بۇل بايقاۋدىڭ قازىلار القاسىنا جۇمىس بەرۋشىلەر, كاسىپوداق ۇيىمدارىنىڭ وكىلدەرى شاقىرىلدى.
جوبا اياسىندا جەڭىمپازدار تەوريالىق ءارى تاجىريبە جاعىنان بىلىكتىلىگىن ارتتىرىپ قانا قويماي, اقشالاي سىيلىقتارعا يە بولدى.
تاعى ءبىر قىزىقتى ءسات – ءاربىر قاتىسۋشىنىڭ پورتفوليوسى جاسالىپ, جاستار ءۇشىن مۇنداي بايقاۋدىڭ قاجەت ەكەنىن كورسەتتى.